МАЗ пабудуе новы завод у расійскай Уфе
1.03.2025 / 19:8
Мінскі аўтазавод і Уфімскі трамвайна-тралейбусны завод (УТЗ) зарэгістравалі сумеснае прадпрыемства. Яно зоймецца стварэннем новай вытворчасці тралейбусаў на тэрыторыі асаблівай эканамічнай зоны «Алга» недалёка ад сталіцы Башкартастана, паведамляе ТАСС.
Здымак ілюстрацыйны. Фота: gruzovikpress.ru
Інвестыцыі ў гэты праект ацэньваюцца ў 1,6 мільярда расійскіх рублёў (прыкладна 18 мільёнаў даляраў). На новай пляцоўцы плануецца зборка, а таксама лакалізацыя выпуску некаторых камплектуючых.
МАЗ і УТЗ супрацоўнічаюць ужо даўно. З 2023 года на пляцоўцы Уфімскага завода па партнёрскім пагадненні выпушчана больш за 700 беларуска-расійскіх тралейбусаў. Гэта дазволіла УТЗ заняць 40% расійскага рынку новых тралейбусаў.
Па словах гендырэктара МАЗа Валерыя Іванковіча, цяпер партнёры маюць намер засяродзіцца на развіцці новай вытворчай пляцоўкі, лакалізацыі і стварэнні сэрвіснага цэнтра.
Чытайце таксама:
У Мінску з'явіліся тралейбусы трэцяга пакалення